Un arload podkastiñ e brezhoneg gant an holl bodkastoù e brezhoneg e-barzh

Diverradenn

Penaos kaout un arload podkastiñ e brezhoneg, gant an holl bodkastoù e brezhoneg e-barzh ? Sed aze ar pezh a ginnig deoc’h Florent. Keleier, kontadennoù, kronikennoù berr ha farsus, atersadennoù hir ha don, abadennoù skiantel pe relijiel, pe c'hoazh podkastoù diwar-benn ar c'hoarioù video... Bez ez eus ur bochad podkastoù e brezhoneg, met alies a-walc'h e vez kollet an dud ha ne oaront ket penaos o selaou ha pelec'h.

Setu perak e vez kinniget deoc'h gant Florent roll an holl bodkastoù e brezhoneg, hag un arload (e brezhoneg mar-plij ganeoc'h) evit ouzhpennañ ar podkastoù a blij deoc'h.

Deomp dezhi evit ur video nevez kinniget gant Brezhoweb, istitlet e brezhoneg hag e galleg.