Bec'h de'i ! 15 vloaz Skolaj Diwan ar Mor-Bihan (14-2)

• 02:11:06
• 12/11/2016

15 vloaz Skolaj Diwan ar Mor-Bihan e Gwened

Buhez ha birvilh skolajidi Diwan Gwened a ro an ton d'an holl en abadenn ispisial-mañ ! O lidañ 15 vloaz ar skolaj emañ ar skipailh, kelennerien, skolajidi, kasourien, ha kevredigezhioù sevenadurel Gwened d'o heul. Sonerien, kanerien zo e-mesk ar skolajidi, ha profet zo bet deomp gante, ha gant Kanerion an Drinded, tonioù brav-kaer da glevet. Adkavit Christian Le Meut hag e gronikenn, asambles gant ar skolajidi 'oa levrioù gante da ginnig ivez.
Un abadenn gaer, a-live gant spered an dud er skolaj-se !

Pedet oc'h ouzhpenn-se da gemer perzh e fest-noz ar 15 vloaz 'benn disadorn 11 a viz Here, 'ba Pleskob, da 9 eur noz !