Bec'h de'i ! 20 - Brezhoneg er skol

• 02:10:55
• 07/06/2013

Petra da c'hortoz gant al lezenn nevez war an Deskadurezh-Stad, ha goude prezegennoù ar Ministr Vincent Peillon war lec'h ar yezhoù rannvro er skol ?Ezhomm bras zo eus skolaerien nevez, ha treutik an niver a studierien o klask mont gant ar vicher... Penaos sachañ ha stummañ mistri-skol da gemer klasoù nevez e karg ? Penaos kelenn e brezhoneg, pe rannañ an amzer-skol etre meur a yezh, hiziv-an-deiz ?Gant : - Rémy Guillou, enseller pedagogel Akademiezhioù Roazhon ha Naoned e-karg eus ar yezhoù rannvro. - skipailh Kreizenn Stummañ an Danvez Skolaerien (IUFM Sant-Brieg) - skolaerien war ar vicher - studierien war stummañ - skipailh Ti-Embann ar Skolioù hag a bourchas dafar kelenn e brezhoneg d'ar c'hlasoùHag ivez levrioù Christian Le Meut.Abadenn enrollet en IUFM Sant-Brieg.