Yann Tiersen, Tiny Feet : Tuchenn Mikael

• 00:06:32
• 02/06/2016

Tuchenn Mikael gant Yann Tiersen ha TinyFeet, enrollet war-eeun e Run ar Puñs, e Kastellin
Tuchenn Mikael
Mintin abred on bet va-unan
’Kichen chapelig Sant-Mikael
ha tro-war-dro ar vrumenn
a stanke din prenestr ar bed.
Avel ebet war gern an duchenn
na trouz ebet ’oa tro-war-dro
ar balan sonn er vrumenn
ha war ar brug perlez ar glav.
Prennet e oa dor ar chapelig
met sant Mikael ’oa ket chalet
ha ni hon-daou er vrumenn
da ganañ brav ’oamp ’n em lakaet.
Mikael ha me da vat o kanañ
ur gwerz diwar-benn an arme
soudarded dall er vrumenn
e pep korn ar menez Are.
Met ouzh an oabl an heol a save
ken splann ha ’vit ar wech kentañ
hag ur wech sa’et ar vrumenn
n’oa ’met deñved war ar menez.

Youenn Gwernig